कोल्हापूरची अनुजा पाटील महाराष्ट्र वरिष्ठ महिला क्रिकेट संघाच्या कर्णधारपदी

कोल्हापूर :
कोल्हापूर जिल्हा क्रिकेट असोसिएशन (केडीसीए)ची महिला क्रिकेट खेळाडू अनुजा पाटीलची बीसीसीआय मार्फत घेण्यात येणा­ऱ्या सिनियर वुमन्स ट्राॅफी एकदिवशीय महिला स्पर्धेसाठी महाराष्ट्र महिला क्रिकेट संघाच्या कर्णधारपदी निवड झाली आहे. ही स्पर्धा ६ ते १८ फेब्रुवारीपर्यंत राजकोट येथे होणार आहे.
स्पर्धेतील अ गटात महाराष्ट्रासह आसाम, बडोदा, कर्नाटक, मध्यप्रदेश, ओडीसा, पाॅडेचरी व उत्तर प्रदेश या सात राज्याचा समावेश आहे.
अनुजा पाटीलची यापूर्वी २०१३-१४ ला भारतीय टी-२०, एशिया कप व चॅलेंजर ट्राॅफी स्पर्धेसाठी भारतीय संघात, तसेच महाराष्ट्र १९ वर्षाखालील संघात सलग ४ वर्षे व त्यामधील २ वर्षे कर्णधार, महाराष्ट्र खुला गट महिला संघात सलग ६ वर्षे व त्यामध्ये सन २०१२-१३ व २०१३-१४ अशी २ वर्षे कर्णधारपदी निवड झाली होती. अनुजा पाटील हीची यापूर्वी २०१३-१४ वर्षी भारतीय टी-२०, एशिया कप, चॅलेंजर ट्राॅफी स्पर्धेसाठी व भारतीय संघात ऑस्ट्रेलिया व श्रीलंका दौ­ऱ्यासाठी निवड झाली होती. ती २०१९-२० मध्ये महिला प्रिमीयर लीग खेळली आहे. तसेेच गेली तीन वर्षे ती महिला महाराष्ट्र प्रिमीयर लीग खेळत आहे. गेल्या वर्षी महिला महाराष्ट्र प्रिमीयर लीग पुणेरी वॉरीयर्स संघाच्या कर्णधार पदाबरोबरच विजेतेपद पटकावले.