जिओसावनने लॉन्च केले ‘म्युझिक प्रोफाइल’

  • युजर्सना मिळणार त्यांच्या ‘म्युझिक पर्सोना’ला नवी ओळख
कोल्हापूर :
भारतातील आघाडीची ऑडिओ स्ट्रीमिंग सेवा जिओसावनने आपल्या युजर्ससाठी ‘म्युझिक प्रोफाइल’ हे नवे फीचर लॉन्च केले आहे. या फीचरच्या मदतीने युजर्सना त्यांच्या संगीत आवडी अधिक चांगल्या प्रकारे समजून घेता येतील तसेच त्या इतरांसोबत शेअरही करता येतील.
हे फीचर युजर्सच्या ऐकण्याच्या सवयींवर आधारित त्यांची वेगळी ‘म्युझिक पर्सोना’ (Music Persona) तयार करेल. त्यानुसार त्यांना पंजाबी मुरीद (Punjabi Murid), बॉलिवूड भक्त (Bollywood Bhakt), हिप हॉप हसलर (Hip Hop Hustler) आणि तेलुगू अभिमानी (Telugu Abhimani) यांसारखे विशेष बॅज दिले जातील.
या फीचरअंतर्गत युजर्सना त्यांनी ऐकलेल्या गाण्यांची संख्या, नव्या कलाकारांचा शोध आणि तयार केलेल्या प्लेलिस्टच्या आधारे विविध महत्त्वाचे टप्पे (Milestones) गाठता येतील. तसेच त्यांना त्यांच्या आवडत्या संगीत शैली, मूड, सर्वाधिक ऐकलेली गाणी आणि आवडते कलाकार यांची माहितीही मिळेल. जिओसावन दर आठवड्याला आणि दर महिन्याला त्यांच्या संगीत आवडींचा आढावा उपलब्ध करून देईल. त्यामुळे युजर्सना कालांतराने त्यांच्या बदलत्या संगीत आवडी सहजपणे समजून घेता येतील.
युजर्स त्यांच्या म्युझिक प्रोफाइलवर स्टेटस अपडेट करू शकतील तसेच त्यांच्या आवडत्या कलाकारांनाही प्रदर्शित करू शकतील. याशिवाय, त्यांना त्यांच्या आवडत्या कलाकारांच्या नव्या रिलीजची माहिती थेट त्यांच्या वैयक्तिक लायब्ररीमध्ये पाहता येईल.
या फीचरद्वारे युजर्स स्वतःचा एक युनिकलही तयार करू शकतील. त्याच्या मदतीने ते आपले सार्वजनिक प्रोफाइल तयार करून आवडत्या प्लेलिस्ट, कलाकार आणि संगीत आवडी इतरांसोबत शेअर करू शकतील. त्यामुळे म्युझिक स्ट्रीमिंगचा अनुभव अधिक वैयक्तिक आणि अभिव्यक्तिपूर्ण होईल.
यावेळी जिओसावनच्या प्रवक्त्यांनी सांगितले की, संगीत हे लोकांसाठी स्वतःला व्यक्त करण्याचे आणि आजूबाजूच्या जगाशी जोडले जाण्याचे एक महत्त्वाचे माध्यम आहे. ‘म्युझिक प्रोफाइल’च्या माध्यमातून आम्ही अधिक वैयक्तिक अनुभव देत आहोत, ज्यामुळे श्रोत्यांना त्यांच्या बदलत्या संगीत आवडी अधिक चांगल्या प्रकारे समजून घेता येतील. तसेच त्यांच्या मूड आणि आवडीनुसार नवे संगीत शोधण्यासही मदत होईल. हे लॉन्च केवळ म्युझिक स्ट्रीमिंगपुरते मर्यादित नसून, अधिक समृद्ध अनुभव देण्याच्या आमच्या सातत्यपूर्ण प्रयत्नांचा एक भाग आहे.
हे फीचर अँड्रॉइड, आयओएस आणि वेब प्लॅटफॉर्मवर उपलब्ध आहे. अँड्रॉइड युजर्स ते ॲपच्या लायब्ररी विभागात, तर आयओएस युजर्स प्रोफाइल विभागात जाऊन वापरू शकतात.
——————————————————-