जियो पेमेंट्स बँकेकडून यूपीआय-आधारित कॅश विथड्रॉल सेवेला सुरुवात

कोल्हापूर :
जियो पेमेंट्स बँक लिमिटेड यांनी यूपीआय-आधारित कॅश विथड्रॉल सेवा सुरू केल्याची घोषणा केली आहे. या सेवेमुळे ग्राहकांना आता बिझनेस कॉरस्पाँडंट टचपॉइंट्सवर क्यूआर कोड स्कॅन करून रोख रक्कम काढता येणार आहे. म्हणजेच डेबिट कार्ड किंवा पारंपरिक एटीएम नसतानाही ग्राहकांना सहजपणे पैसे काढता येतील.
बँकेनुसार, ही नवी सेवा विशेषतः ग्रामीण आणि अर्ध-शहरी भागातील ग्राहकांचा विचार करून सुरू करण्यात आली आहे, जिथे एटीएमची उपलब्धता मर्यादित आहे. ग्राहक आपल्या यूपीआय अ‍ॅपद्वारे व्यवहाराची अधिकृतता देऊन सहजपणे रोख रक्कम प्राप्त करू शकतील.
जियो पेमेंट्स बँकेने सांगितले की, ही कार्डलेस कॅश विथड्रॉल सुविधा डिजिटल पेमेंट आणि रोख व्यवहार यांमधील अंतर कमी करेल. तसेच, प्रथमच डिजिटल पेमेंट वापरणाऱ्या ग्राहकांना सुरक्षित आणि सुलभ वातावरणात यूपीआयचा अनुभव मिळेल.
बँकेचे म्हणणे आहे की, आपल्या डिजिटल पेमेंट पायाभूत सुविधांद्वारे आणि शेवटच्या टप्प्यापर्यंत पोहोचलेल्या बिझनेस कॉरस्पाँडंट नेटवर्कच्या माध्यमातून ही पुढाकार देशातील बँकिंग सेवांची उपलब्धता वाढवण्यास, रोख व्यवहारांवर अवलंबून असलेल्या घटकांपर्यंत यूपीआयचा विस्तार करण्यास आणि आर्थिक समावेशन अधिक बळकट करण्यास महत्त्वाची ठरेल.
——————————————————-