आर्मी मार्क्समनशिप युनिट आणि रिलायन्स फाउंडेशन यांची हातमिळवणी

कोल्हापूर :
भारतीय सेनेच्या ‘मिशन ऑलिम्पिक्स विंग’अंतर्गत असलेली प्रतिष्ठित आर्मी मार्क्समनशिप युनिट (AMU), महू यांनी शूटिंग कार्यक्रमाला प्रोत्साहन देण्यासाठी रिलायन्स फाउंडेशन (RF) सोबत पहिली कॉर्पोरेट भागीदारी केली आहे.
या भागीदारीअंतर्गत सध्या एएमयूमध्ये प्रशिक्षण घेत असलेल्या १४ निशाणेबाजांना सहाय्य मिळणार आहे. यात पॅरिस ऑलिम्पिकमध्ये सहभागी झालेला संदीप सिंह आणि सेनेची पहिली महिला सुबेदार प्रीती रजक यांचा समावेश आहे.
रिलायन्स फाउंडेशनच्या संस्थापक अध्यक्षा नीता एम. अंबानी यांनी या प्रसंगी सांगितले की, भारतीय सेना आणि आर्मी मार्क्समनशिप युनिट (AMU) सोबत जोडले जाणे ही आमच्यासाठी अभिमानाची गोष्ट आहे. ही भागीदारी फक्त एक कार्यक्रम नाही, तर भारताला खेळांच्या शिखरावर नेण्याचा एक संकल्प आहे. आपण मिळून असे चॅम्पियन घडवू, जे देशाचा गौरव वाढवतील.
नीता अंबानी म्हणाल्या की, भारतीय सेनेने कर्नल राजवर्धन सिंह राठौर पासून ते लेफ्टनंट कर्नल नीरज चोप्रा यांसारख्या अनेक उत्कृष्ट खेळाडूंना जन्म दिला आहे, ज्यांनी अनेकदा भारताचे नाव जागतिक पातळीवर उज्ज्वल केले आहे.
या भागीदारीअंतर्गत स्कॉलरशिप, कोचिंग, स्पोर्ट्स सायन्स, आंतरराष्ट्रीय अनुभव आणि उच्चस्तरीय प्रशिक्षण यांसारख्या सुविधांच्या माध्यमातून २०२८ आणि २०३२ ऑलिम्पिक स्पर्धांसाठी भारताची दमदार तयारी सुनिश्चित करण्याचे उद्दिष्ट ठेवले गेले आहे.