विवेकानंद कॉलेजचे प्राचार्य डॉ. आर. आर. कुंभार यांचा सेवागौरव समारंभ उत्साहात

कोल्हापूर :
येथील विवेकानंद कॉलेजचे प्राचार्य डॉ. आर. आर. कुंभार यांचा सेवागौरव सदिच्छा समारंभ मोठ्या उत्साहात पार पडला.
शैक्षणिक क्षेत्रात प्राध्यापक व प्राचार्य म्हणून ३९ वर्षे सेवा बजावणारे प्राचार्य डॉ. आर. आर. कुंभार यांनी श्री स्वामी विवेकानंद शिक्षण संस्थेच्या कराड, कडेपूर, सातारा, तासगाव, इचलकरंजी आणि विवेकानंद कॉलेज, कोल्हापूर येथे  आपल्या उत्तम प्रशासनाच्या जोरावर आणि दूरदृष्टीतून येथील महाविद्यालयांचा विकास केला.  माणसांना जपणारे आणि घडविणारे  व्यक्तिमत्व म्हणून प्राचार्य डॉ. आर. आर. कुंभार यांना ओळखले जाते. विवेकानंद कॉलेजला यशाच्या शिखरावर पोहोचविण्यात त्यांचा मोलाचा वाटा आहे, असे प्रतिपादन श्री स्वामी विवेकानंद शिक्षण संस्थेचे कार्याध्यक्ष प्राचार्य अभयकुमार साळुंखे यांनी केले. ते प्राचार्य डॉ. आर. आर. कुंभार यांच्या सेवागौरव सदिच्छा समारंभात बोलत होते.
यावेळी विवेकानंद कॉलेजच्यावतीने प्राचार्य डॉ. आर. आर. कुंभार यांचा शाल, श्रीफळ, मानपत्र, आहेर, श्री महालक्ष्मीची मुर्ती देऊन सपत्नीक सत्कार करण्यात आला. प्रा. सतीश उपळावीकर व विद्यार्थी ऋषी डोंगरे यांनी रेखाटलेले त्यांचे व्यक्तीचित्र भेट देण्यात आले. संस्थेच्या सचिव प्राचार्या सौ. शुभांगी गावडे व संस्थेचे सीईओ कौस्तुभ गावडे यांनी प्राचार्य डॉ. कुंभार यांना सेवागौरव सदिच्छा समारंभानिमित्ताने शुभेच्छा दिल्या. याप्रसंगी डॉ. बी. एम. हिर्डेकर यांनी मनोगत व्यक्त केले.
सेवागौरव सदिच्छा सत्काराला उत्तर देताना प्राचार्य डॉ. आर. आर. कुंभार यांनी, श्री स्वामी‍ विवेकानंद शिक्षण संस्थेमुळे माझी ओळख निर्माण झाली आहे. मला संस्थेचे कार्याध्यक्ष प्राचार्य अभयकुमार साळुंखे यांचा खंबीर पाठिंबा होता त्यामुळेच शिक्षणक्षेत्रात मुक्तपणे यशस्वी वाटचाल करु शकलो. माझ्या या प्रवासात शैक्षणिक, राजकीय व सामाजिक क्षेत्रातील अनेक मान्यवरांचे बहुमूल्य मार्गदर्शन व सहकार्य  मिळाले आहे. संस्थेने ज्या ज्या ठिकाणी मला सेवेची संधी दिली त्या शाखांचा परिपूर्ण अभ्यास करुन तेथील शैक्षणिक व भौतिक सुविधांचा विकास केला. जरी मी दुसऱ्या संस्थेत जात असलो तरी या संस्थेशी जोडलेली माझी नाळ तशीच राहिल, असे भावनिक उद्गार काढले.
याप्रसंगी डॉ. बी. एम. हिर्डेकर, श्री स्वामी विवेकानंद शिक्षण संस्थेच्या कोल्हापूर जिल्ह्याचे विभागप्रमुख श्रीराम साळुंखे, प्राचार्य डॉ. सतिश घाटगे, श्री स्वामी विवेकानंद शिक्षण संस्थेच्या सेवकांची सहकारी पतसंस्थेचे अध्यक्ष हितेंद्र साळुंखे, एस.जी.एम. कॉलेज, कराडचे प्राचार्य डॉ. शिवाजी पाटील, माजी आ. भगवानराव साळुंखे, प्रा. जे. के. पाटील, डॉ. एकनाथ आळवेकर, डॉ. संजय लठ्ठे, डॉ. डी. आर. तुपे, प्रा. एम. आर. नवले, डॉ. वर्षा शिंदे यांनी मनोगते मांडली.
कार्यक्रमाचे प्रास्ताविक डॉ. एस. पी. थोरात यांनी केले तर आभार प्रा.सौ. शिल्पा भोसले यांनी मानले. सुत्रसंचालन डॉ. सुप्रिया पाटील यांनी केले. मानपत्राचे वाचन प्रा. अविनाश  गायकवाड यांनी केले. यावेळी प्रा. एच. पी. पाटील, बी. एम. पाटील, प्राचार्य  डॉ. शंकर खाडे, डॉ. डी. ए. देसाई, प्रा. विलास पाटील, प्रा. किरण पाटील, प्रा. एम. एम. कांबळे, प्रा. डॉ. पी. एस. कांबळे, स्टाफ सेक्रेटरी डॉ. कविता तिवडे व डॉ. राजश्री पाटील यांच्यासह संस्थेचे आजीव सेवक, विविध महाविद्यालयातील प्राचार्य,  डॉ. आर. आर. कुंभार यांचे कुटुंबीय, रजिस्ट्रार एस. के. धनवडे, विवेकानंद कॉलेजमधील सर्व शिक्षक व शिक्षकेत्तर कर्मचारी, हितचिंतक मोठ्या संख्येने उपस्थित होते.